ئیمان هينان به‌رؤژی دوایی پيناسه‌ی رؤژی دوایی:
ئیمان هينان به‌رؤژی دوایی یه‌كيكه له‌پایه‌كانی ئیمان،وه‌ده‌قه‌كانی قورئان وسوننه‌ت به‌لگه‌ن له‌سه‌ر سه‌ركه‌وتووی ئه‌و كه‌سه‌ی ئیمانی پيیه‌و و كاری بئ ده‌كات ، وه‌كافر بوونی ئه‌و كه‌سه‌ی ئیمانی پييی نییه.
خوای گه‌وره ده‌فه‌رمويت:{ وَلَكِنَّ الْبِرَّ مَنْ آمَنَ بِاللَّهِ وَالْيَوْمِ الْآخِرِ وَالْمَلائِكَةِ وَالْكِتَابِ وَالنَّبِيِّينَ } (البقرة: له الآية177 ) .
واته: به‌لكو كرداری چاك و كاری باش بریتیه‌له‌وه‌ی كه‌ئاده‌میزاد باوه‌ری هينابيت به‌خواو به رؤژی دوایی و به‌فریشته‌كان و به‌كتيبه‌كان و به‌پيغه‌مبه‌ران،.
هه‌روه‌ها ده‌فه‌رمويت:{ وَمَنْ يَكْفُرْ بِاللَّهِ وَمَلائِكَتِهِ وَكُتُبِهِ وَرُسُلِهِ وَالْيَوْمِ الْآخِرِ فَقَدْ ضَلَّ ضَلالا بَعِيداً } (النساء: له الآية136).
واته: جا ئه‌وه‌ی باوه‌ری نه‌بيت به‌خواو فریشته‌کانی و به‌کتيبه‌کانی و به‌پيغه‌مبه‌رانی و به‌رؤژی دوایی، ئه‌وه‌به‌راستی گومرابووه‌به‌ئه‌وپه‌ری گومرایی.
وه ئیمان هينان به‌رؤژی دوایی‌بریتیه‌له‌ئیمان هينان به‌و رؤژه‌ی كه‌تیایدا هه‌موو زینده‌وه‌ران زیندوو ده‌كرينه‌وه‌بؤ گؤره‌پانی مه‌حشه‌ر كؤده‌كرينه‌وه‌و حه‌ق و حیسابیان له‌گه‌لدا ده‌كريت ئه‌وه‌ی باش بووه له‌مرؤفه‌كان بؤ به‌هه‌شت، وه‌ئه‌وه‌ی خراپ بووه‌بؤ دؤزه‌خ ده‌چيت .
جا ئیمان هينان به‌رؤژی دوایی چه‌ند شتيك ده‌گريته‌وه، له‌وانه:
یه‌كه‌م : ئیمان هينان به‌زیندووبوونه‌وه‌ی مرؤفه‌كان له‌دوای له‌ناوچوونی دونیاو مردنی سه‌رجه‌م دروستكراوه‌كان .
ئه‌مه‌ش حه‌قیقه‌تيكه‌و نكولی له‌راستیه‌كه‌ی ناكرى . خوای گه‌وره‌ده‌فه‌رمويت: { أَفَحَسِبْتُمْ أَنَّمَا خَلَقْنَاكُمْ عَبَثًا وَأَنَّكُمْ إِلَيْنَا لَا تُرْجَعُونَ } (المؤمنون/١١٥) .
واته: ئه‌ی كافران ئيوه‌هه‌روا ئه‌زانن كه‌ئيمه‌هه‌ر به‌بىئ هؤ و مه‌به‌ست ئيوه‌مان دروست كردووه‌وه‌ناگه‌رينه‌وه‌بؤلامان ؟ !!
وه‌ده‌فه‌رمه‌يت: { يَوْمَ نَطْوِي السَّمَاءَ كَطَيِّ السِّجِلِّ لِلْكُتُبِ كَمَا بَدَأْنَا أَوَّلَ خَلْقٍ نُعِيدُهُ وَعْدًا عَلَيْنَا إِنَّا كُنَّا فَاعِلِينَ } (الأنبياء/104) .
واته: وه‌ك چؤن یه‌كه‌م جار دروستمان كردن ئه‌وا دیسان دروستیان ده‌كه‌ینه‌وه‌به‌لينمان داوه‌به‌دلنیایه‌وه‌ئه‌مه‌به‌كرده‌وه‌ئه‌نجامی بده‌ین .
وه‌هه‌روه‌ها ده‌فه‌رمويت: { ثُمَّ إِنَّكُمْ بَعْدَ ذَلِكَ لَمَيِّتُونَ ، ثُمَّ إِنَّكُمْ يَوْمَ الْقِيَامَةِ تُبْعَثُونَ } (المؤمنون/١٥ـ١٦) .
واته: ئيوه‌له‌دوای دروست بوونتان به‌بئ گومان ده‌مرن . پاشان له‌رؤژی دوایی دا زیندوو ده‌كرينه‌وه.
هه‌روه‌ها پيغه‌مبه‌ر (صلی الله علیه وسلم ) ده‌فه‌رمويت :(( یحشر الناس یوم القیامه‌حفاة ....)) واته: خه‌لكی حه‌شر ده‌كرين له‌رؤژی دوایی به‌پئ خواسی ، وه‌به‌بئ خه‌ته‌نه‌كراوی .
دووه‌م : ئیمان هينان به‌حیساب له‌گه‌ل دا كردن و پاداشت دانه‌وه( الحساب والجزاء ) .
واته: ئیمان هينان به‌وه‌ی خوای گه‌وره، حه‌ق و حیساب له‌گه‌ل به‌نده‌ده‌كات ئینجا پاداشت ده‌دريته‌وه‌به‌گويره‌ی كرده‌وه‌كانی .
ئه‌مه‌ش سه‌لمیندراوه‌به‌قورئان و سوننه‌ت وكارای موسلمانان .
خوای گه‌وره‌ده‌فه‌رمویت: { إِنَّ إِلَيْنَا إِيَابَهُمْ ، ثُمَّ إِنَّ عَلَيْنَا حِسَابَهُمْ } (الغاشیة:٢٥/٢٦).
واته: به‌دلنیایه‌وه‌گه‌رانه‌وه‌یان بؤلای ئيمه‌یه‌پاشان له‌سه‌ر ئيمه‌یه‌حیساب كردن له‌گه‌لیان . هه‌روه‌ها پيغه‌مبه‌ر (صلی الله علیه وسلم ) ده‌فه‌رموويت :(( لا تزول قدما عبد حتى يسئل عن عمره فيما أفناه ؟ وعن علمه فيم فعل ؟ وعن ماله من أين اكتسبه وفيم أنفقه ؟ وعن جسمه فيم أبلاه )) .
واته: له‌رؤژی مه‌حشه‌ر به‌نده‌قاچی ناجولينئ و ناروات بؤ هیچ لایه‌ك هه‌تا پرسیاری لی ده‌كريت ده‌رباره‌ی ته‌مه‌نی له‌چی دا بردیه‌سه‌ر ؟ وه‌له‌زانستی له‌پيناو چی و بؤچ شتيك بووه؟ وه‌له‌مال و سه‌روه‌تی له‌كوئ ده‌ستی كه‌وتووه‌وه‌له‌چی دا سه‌رفی كردووه. هه‌روه‌ها له‌چی دا به‌كاری هينا .
سئ یه‌م : ئیمان هينان به‌به‌هه‌شت و دؤزه‌خ ( الایمان بالجنة والنار ) .
واته: ده‌بي ئیمانمان هه‌بيت كه‌وا خوای گه‌وره‌به‌هه‌شت و دؤزه‌خی داناوه‌بؤ مرؤفه‌كان وه‌ك پاداشت و سزا بؤیان .
هه‌ردووكیان خوای گه‌وره‌دروستی كردوون بؤ ئه‌وه‌ی ببن به‌شوينی هه‌تا هه‌تایی مرؤف، به‌هه‌شت كه‌خانه‌خوشی و شادی و رابواردن و ره‌زامه‌ندی خوایه‌بؤ چاكه‌كاران، وه‌دؤزه‌خیش كه‌خانه‌ی ناخؤشی و ئيش و ئازارو سزادان و توره‌یی خوایه‌بؤ خراپه‌كاران . بوونی راسته‌قینه‌ی به‌هه‌شت و دؤزوخیش ده‌توانم بليم زؤربه‌ی زؤری ئایه‌ته‌كانی قورئان به‌لگه‌یه‌له‌سه‌ری چ راسته‌وخؤ وه‌چ ناراسته‌وخؤ .
خوای گه‌وره‌ده‌فه‌رمويت: { إِنَّ الَّذِينَ آَمَنُوا وَعَمِلُوا الصَّالِحَاتِ كَانَتْ لَهُمْ جَنَّاتُ الْفِرْدَوْسِ نُزُلًا } (الكهف/١٠٧) .
واته: ئه‌وانه‌ی ئیمانیان هيناوه‌به‌كرده‌وه‌ی چاكه‌سه‌لماندیان ، ئه‌وا به‌هه‌شت وه‌ك شوينی میوانداریه‌تی بؤ هه‌تا هه‌تای ئاماده‌كراوه‌بؤیان .
هه‌روه‌ها ده‌فه‌رمويت : { وَمِنَ النَّاسِ مَنْ يُعْجِبُكَ قَوْلُهُ فِي الْحَيَاةِ الدُّنْيَا وَيُشْهِدُ اللَّهَ عَلَى مَا فِي قَلْبِهِ وَهُوَ أَلَدُّ الْخِصَامِ } ( البقرة /24) .
واته: خؤتان بپاريزن له‌و دؤزه‌خه‌ی كه‌سوته‌مه‌نیه‌كی بریتی یه‌له‌خه‌لكی و به‌رد ، ئاماده‌كراوه‌بؤ كافره‌كان .
وه‌چه‌ندان به‌لگه‌ی تر .
به‌گشتی ده‌بئ ئیمانمان هه‌بئ كه‌رؤژيك ديت هه‌موو گه‌ردوون له‌ناو ده‌چيت به‌ئیزنی خوداو سه‌ر له‌نوئ زینده‌وه‌ران زیندوو ده‌كرينه‌وه‌بؤ حه‌ق و حیساب .
وه‌ئیمان بهينین به‌هه‌موو ئه‌وه‌ی پيغه‌مبه‌ر ( صلی الله علیه وسلم ) ده‌رباره‌ی ئه‌م بنچینه‌یه‌پئ راگه‌یباندووین .
هه‌روه‌ها ئیمان هێنان به‌و شتانه‌ی په‌یوه‌ندی به‌مه‌سه‌له‌ی قیامه‌ت هه‌یه، وه‌ك میزان و صراط وتاقی كردنه‌وه‌ی ناو قه‌بر و عه‌زاب و خؤشی ناو قه‌بر .www.dlzar.tk